Ayuntamiento de Pasaia

Pasaiako lau barrutietako liburutegiek irakurletasuna bultzatu nahi dute, batez ere haur eta gazteen artean. Hori dela-eta, hainbat jarduera antolatzen dituzte urtean zehar:

Ipuin kontaketak. Hauek hilabetean behin izaten dira. Hainbat ipuin-kontalari pasa dira gure liburutegietatik, batzuk errepikatu ere (Joxe Mari Karrere; Lur Korta; Pello Añorga; Maite Franko...). Arratsaldeko 18:00etan hasten dira eta 45 minutuko iraupena izaten dute. Batzuetan, 4 eta 6 urte bitarteko haurrentzat antolatzen dira, eta bestetan, 5 eta 8 urtekoentzat.

Haurren Gabonetako Marrazki- eta pintura-lehiaketak urtero partaide ugari biltzen du. 2006an, 63. aldia ospatu zela-eta, ia 700 haur aurkeztu ziren.

"Pasaia hiria" olerki-lehiaketa. 15 urtetik gorako edonork har dezake parte. Beste lehiaketa batean sarituak izan ez diren obra original eta argitaragabeak aurkeztu beharko dira. Lan sarituak Noray eta Kezkak bildumetan argitaratzen dira.

Antxoko eta Trintxerpeko liburutegiak Euskadiko Liburutegien Sistema Nazionalean txertaturik daude. Horri ezker, bi liburutegietako funtsen katalogoak kontsulta daitezke bertan, eta horiek ez ezik Sistema Nazionala osatzen duten beste liburutegietako katalogoak. Horretaz gain, IZENPE txartela baduzu edota sarbidea baimentzen duen hitz-gakoa, maileguan hartu dituzun liburuen egoera ikusteko aukera izango duzu, edo mailegua berritzeko eskaera egin,etab.

Epe laburrean Donibaneko eta San Pedroko liburutegiak ere ELSNan sartuko direlakoan gaude.

Euskadiko Liburutegien Sistema Nazionala

Pasai Donibaneko udal-liburutegia

Donibane 28.
943-523186
Liburutegiaren zerbitzuak:

• Helduentzako eta umeentzako liburutegiak.
• Liburu-kontsulta eta -mailegua.

Ordutegiak:
Astelehenetik ostiralera: 17:00- 19:45.
Udako ordutegia, 10:00-13:00.

Pasai Antxoko udal-liburutegia

Hamarretxeta 13
943-515737
antxo.liburutegia@pasaia.net
Liburutegiaren zerbitzuak:

• Helduentzako eta umeentzako liburutegiak.
• Liburu-kontsulta eta -mailegua.
• Egunkari- eta aldizkari-kontsultak.
• Fotokopiak.
• Internet (Arauak)

Ordutegiak:
Astelehenetik ostiralera: 10:00 - 12:45 eta 16:00 - 19:45.
Udako ordutegia: 8:30 - 14:15.

Trintxerpeko udal-liburutegia

Euskadi Etorbidea, z/g
943-004303
trintx.liburutegia@pasaia.net
Liburutegiaren zerbitzuak:

• Helduentzako eta umeentzako liburutegiak.
• Liburu-kontsulta eta -mailegua.
• Egunkari- eta aldizkari-kontsultak.
• Fotokopiak.
• Internet (Arauak)

Ordutegiak:
Astelehenetik ostiralera: 10:00 - 12:45 eta 16:00 -19:45.
Udako ordutegia: 8:30 - 14:15.

Pasai San Pedroko udal-liburutegia

Morales Oliver plaza, z/g
943-391358
Liburutegiaren zerbitzuak:

• Helduentzako eta umeentzako liburutegiak.
• Liburu-kontsulta eta -mailegua.
• Aldizkari-kontsulta, fotokopiak.

Ordutegiak:
Astelehenetik ostiralera, 17:00- 19:45
Udako ordutegia, 10:00-13:00