Ayuntamiento de Pasaia

Pasaiako Udalak diru-laguntza emango die lantokiko ERROTULU NAGUSIA euskaraz jartzen duten enpresei.

Diru-laguntzaren zenbatekoa:
Guztirako kostuaren % 30 ordainduko du Udalak, betiere 600 euroraino.

Baldintzak:
1.- Errotulua euskaraz jartzea.
2.- Euskarazko testua zuzen idatzita jartzea. Horretarako Euskara Zerbitzuak gainbegiratuko du testua.
3.- Errotuluan izen berezia soilik agertzen bada, ez da diru-laguntzarik jasoko.
4.- Enpresa berriek eta errotulua aldatu nahi duten enpresa zaharrek jaso dezakete diru-laguntza.
5.- Errotulua jarri ahal izateko beharrezkoa izango da udalak jarduera-baimena emana izatea.


Aurkeztu beharreko dokumentuak:

• Eskabide-orria: diru-laguntza eskuratu ahal izateko eskabide-orria behar bezala bete eta Euskara Zerbitzuan sarrera eman beharko zaio.
• Faktura originala.
• Errotuluaren argazkia.