Ayuntamiento de Pasaia

Euskaltegiko ikasleak klasean

Erakundeen eskutik sortutako baliabide zirela ekin zioten bideari udal euskaltegiek 1981.ean helduek euskara ikasi edo alfabetatzeko zuten premiari erantzuteko. Nor bere udalaren babesean, poliki-poliki, Gipuzkoako 21 herritara zabaldu ziren arte.

Ikasgune hau zabaltzea Pasaiako udalbatzaren eta HABEren arteko elkarlanak 1985-1986 ikasturtean ahalbideratu zuen. Geroztik alfabetatze-euskalduntze prozesuan eta azken urteotan normalizatzaile-lanetan bide luzea egin du.

Udal zerbitzua eskaintzeko, 13 lagun ari gara lanean: zuzendaria, 11 irakasle (hauetako hiru euskara zerbitzuan) eta administraria.

Euskaltegia goizeko 07:00etatik gaueko 22:00ak arte irekita egoten da astelehenetik ostiralera. Bulego ordutegia, goizeko 08:00etatik arratsaldeko 15:00etara da.

Pasaiak lau barruti ditu eta Udal Euskaltegia Trintxerpen dago, anbulatorioaren ondoan eta itsas-arrantza eskolatik oso gertu. (Pasaiako web orrian ageri da euskaltegiaren kokalekua).

Egun Udal Euskaltegia elbarrituentzat ere egokitua dago.

Urte askotan, gure jarduna helduen euskalduntze-alfabetatze alorrean ardaztutakoa izan bada ere, hona hemen euskaltegiaren gaur egungo zerbitzu eskaintza:    
    .    Alfabetatze-euskalduntzeko ohiko eskolak.
    .    Baliabide gela: BOGA (hizkuntza ikasteko den informatika-euskarria), mintza saioak eta tutoretzarekin batera.
    .    Kanpo-ekintzak: txapelketak, irteerak, bisitadiak, asteburuko barnetegiak, etab.
    .    Kultur astea.
    .    Normalizatzaile lanak udalerrian
    .    Mintzalaguna.
    .    Mintzatratuak.

Pasaiako Udal Euskaltegiak herri-ekimen askotan hartzen du parte, beste hainbat elkarterekin batera (Ikastetxeak, Musika Eskola); hala nola, Eskolatik-kalera egitasmoan, transmisio kanpainan, haur etorri berrien errefortzu eskolak, etab.