Ayuntamiento de Pasaia

I. maila (4-7 urte arteko ikasleak)

Musika eta mugimendua, eta aukeratu nahi duten edozein musika-tresna (5 urtetik aurrera). Musika- eta mugimendu-eskoletan instrumentu-lantegia ematen dugu, ikasleek eskolan ditugun musika-tresnak ezagutu eta aukeratzen laguntzeko.

II. maila (8 urtetik aurrera)

Musika-hizkuntza, eta musika-tresna hauetako edozein: perkusioa, pianoa, eskusoinua, gitarra, tronpeta, fiskornoa, tronboia, bonbardinoa, tuba, tronpa, klarinetea, saxofoia, txirula, biolina, biola, biolontxeloa, kontrabaxua, ahots-teknika, fagota, oboea, talde instrumentala, bertako dantzak, talde-interpretazioa eta organoa.

Ikasgai horiez gain, hauek ere ematen ditugu:

•      BERTAKO MUSIKA-TRESNAK: txistua, silbotea, atabala, dultzaina, txalaparta, trikitixa, panderoa eta alboka.

•      MUSIKA MODERNOKO GELA: baxua, gitarra elektrikoa, bateria, teklatuak.

III. maila

Ganbera-musika, repentizazio eta transposizioa eta tonu-aldaketa, harmonia analitikoa, informatika-lantegia (ordenagailuak ikaragarrizko aukerak ematen ditu musikaren arloan jarduteko), musika-entzunaldiak, bat-bateko irakurketa, harmonia modernoa, bat-batekotasuna, konboa, Alexander teknika, musika-terapia, koru-zuzendaritza, instrumentu-zuzendaritza eta, azkenik, helduentzako musika-kultura (musikarekin gozatzen ikastea, musika-entzunaldietan azalpenak jasoz, giro lasaia lagun).

Ikastaroak irailean hasi, eta ekainera arte luzatzen dira. Hala ere, edozein unetan eman daiteke izena edozein ikastarotan, "Musika eta Mugimendua" eta "Musika-Hizkuntza" ikasgaietan izan ezik.