Ayuntamiento de Pasaia

Txintxerpeko Trintxer jauregia

PASAIA MUSIKAL 1990. urtean sortu zen, Pasai Donibaneko Itsasmendik, Pasai Antxoko Pasaitarra abesbatzak eta Trintxerpeko Illunbe musika-elkarteak bat eginda. Elkarte horiek urte askotan zehar arduratu dira bakoitza bere barrutiko musika-kulturaz.

1997an, XXV. urteurrena ospatu zuen Illunbe musika-elkarteak. Musikaren aitzindaria izan da elkartea Txintxerpen, eta 365 egun musika-jarduerez bete zituen urteurren hori ospatzeko.

Egun, Txintxerpeko Trintxer jauregian dugu egoitza nagusia, eta ikastaroak barrutietan ematen ditugu.

Duela zenbait urte, 1966ko planeko ikasketa arautuak desagertu ziren. Hori dela-eta, gure zentroak izendapena aldatu zuen, eta kontserbatorio izatetik musika-eskola izatera igaro da; hau da, ikasketak ez daude araututa, eta imajina ditzakegun aukera guztiek dute lekua bertan.

Lau urtetik aurrera, musikaren munduan barneratzeko aukera ematen dugu; adin horretatik aurrera, gainera, ez dago adin-mugarik. Azken urteetan nabarmena izan da ikasle helduen kopuruaren gorakada.

Musika Eskola

• Ikasgaiak
• Taldeak
• Eskola-jarduerak
• Instalazioak

Idazkaritza Pasai Trintxerpeko Trintxer jauregian dago.

Jendaurreko ordutegia:

Astelehenetik ostiralera, 9:00-13:00 eta 15:00-20:30.

Nahi izanez gero, telefonoz ere dei diezagukezu, ordutegi horretan bertan; hauek dira gure zenbakiak:

Telefono-zenbakia: 943 396055
Telefono-zenbakia eta faxa: 943 390719

Bestela, bidali mezu elektroniko bat:
pm.idakaritza@pasaia.net
musikal@pasaia.net

Donostia kalea z/g- 244 posta-kodea
20110 Pasai Trintxerpe (Gipuzkoa)