Ayuntamiento de Pasaia

Ontziola

Donibaneren hirigunean dago. Ontziola tradizionala da eta, beraz, bertan Euskadiko ontzigintzaren artea betikotu egiten da. Haritzaren, kalamuaren eta brearen usain artean, bisitariak itsasertzeko arotzak lanean ikusiko ditu. Toki horretan, belaunaldiz belaunaldi hedatutako teknikak zehatz-mehatz lantzen dira eta lan horren fruitu dira itsasontzi zaharren erreplikak.

Ontziolak Pasaiako badiarantz zabaltzen ditu ateak eta Pasaiako itsas tradizioaren historia gordetzen du bere baitan. Galeoien, balea-ontzien eta itsas ibilbide urrunen garaiaz gozatu ahal izango dugu.

Kokapena:
Donibane, 33
20110 Pasai Donibane

Kontaktua:

Oarsoaldeako Turismo Bulegoa
Manuel Lekuona Biblioteka
Donibane, 11
20180 Oiartzun (Gipuzkoa)
Telefono-zenbakia:+34 943 494521
Fax-zenbakia: +34 943 494614
Helbide elektronikoa: turismo@oarsoaldea.net

Informazio gehiago:
Ontziolak bi gune ditu eta ontzigintza tradizionalarekin nahiz itsas kulturarekin harreman estua dute biek:
• Eraikuntza-gunea: egur eta antzinako tresna artean itsasertzeko arotzeriaren trebeziak erakusten dira. Trebezia horiei esker, itsasontzi eta ontzi izugarriak eraiki ziren eta,  XIV. mendeaz geroztik, mundua liluratu zuten. Teknika tradizionalak erabiliz itsasontzia nola eraiki daitekeen ikusiko dugu zuzenean.

• Erakusketa-gunea: erakusketa-aretoan itsas kulturan jada ahaztuta dauden ontzigintzaren ezagutzak ikasiko ditugu. Horiek oraindik bizirik diraute Pasaian nahiz Oarsoaldean.

Datu interesgarriak:
Ordutegia:
Urriaren 1etik Aste Santura arte, astelehenetik larunbatera: 10:00-14:00 / 15:00-17:00.
Aste Santutik urriaren 1era arte, asteartetik igandera: 11:00-14:00 / 16:00-19:00.
Tarifak: doako sarrera.

Bisita gidatuak:
Ordutegia: irekita dagonean, aurretik hitzordua eskatuta eta taldeetan.

www.albaola.com
www.oarsoaldea-turismo.net