Ayuntamiento de Pasaia

Jaizkibelen udal-lizentziarik gabe egiten ari ziren lanak geldiarazi ditu Pasaiako Udalak.

Atzo udaletxean erregistratu zen Jaizkibelen egiten ari ziren zundaketa geoteknikoen berri ematen zuen idatzia.

Lanak egiten ari den enpresak, Gipuzkoako Foru Aldundiak  Jaizkibelen lanak egiteko kontratatua, ur hornidura eskatu zion udalari pasa den astean. Eskaeran ez zen hasiera datarik zehazten eta oraindik erantzun gabe dago. Bestetik, inork ez du inongo obrarik egiteko lizentzia eskatu.

Egoera horren aurrean, udalak burutzen ari diren lanak berehala eteteko agindua eman du, eta obrak egiten ari zen enpresak berehala bete du agindua.

Pasaian, 2009ko ekainaren 16an