Ayuntamiento de Pasaia

ALKATEAREN BANDOA

Pasaiako Udalak pasaitar guztiak gonbidatzen ditu otsailak 23an, eguerdiko 12etatik aurrera egingo den Pasai Antxoko behin-behineko osasun zentroaren inaugurazio ekitaldira.

Aurretik ezagututakoarekin alderatuta, instalakuntzek hobera egingo dute dudarik gabe; eta horrek bere eragina izango du, noski, zerbitzuan.

Hala ere, ezin dugu ahaztu behin-behinekoa dela, eta Antxoko benetako osasun zentroa oraindik ere proiektuan dela; beraz, Udal honek dagokion instituzioari herri honekin hartutako konpromisoak bete ditzan eskatzen jarraituko du.

Aparkalekuari dagokionez, herritarren segurtasuna eta aparkaleku arazoak kontuan hartuz, honakoa proposatzen dizuegu udaletik:

Osasun zentroak zerbitzua ematen duen orduetan Usozen aparkatzea debekatua egongo da: goizeko 8:00etatik arratsaldeko 15:00ak arte astelehenetik ostiralera.

Ordutegi horretan aparkatzeko baimena soilik honakoek izango dute: anbulantzia bat, elbarrituentzako plaza bat eta guardian dagoen medikuaren etxez etxeko zerbitzua emateko ibilgailua.

Ordutegi horretatik kanpo eta asteburu eta jaiegunetan aparkatzeko aukera librea izango da.

Herritarrei araudi hau errespeta dezaten eskatzen diegu, guztion onurarako izango delakoan.

OSASUN ZENTROARI BURUZ OSAKIDETZAK EMANDAKO INFORMAZIOA:

Osasun zentro berriaren helbidea: Eskalantegi kalea 66
Telefonoa: 943 006990
Faxa: 943 00699

1. Osasun Zentroaren ordutegia:
   • Astelehenetik ostiralera:
     • Medikuntza Orokorra: 8:00etatik 15:00etara. Ordutegi honetatik aurrera Iztietako EAGra joan behar dute pazienteek
     • Pediatria:
       • 8.00etatik 15:00etara.
       • 15:00etatik 17:00etara, pazienteek Iztietako Osasun Zentrora joan behar dute.
       • 17:00etatik aurrera Iztietako EAGra joan behar dute pazienteek.
   • Larunbat, igande eta jaiegunetan:
     • Medikuntza Orokorra eta Pediatria: Pazienteek Iztietako EAGra joan behar dute
2. Pasai Antxoko Osasun Zentroak herritar hauek artatzen ditu:
   • Helduen 6.358 OTI (Familia medikuntza 2012ko otsaila)
   • Pediatriako 814 OTI (2012ko otsaila)
3. Egun, zentroan, zerbitzu hauek ematen dira:
   • Medikuntza Orokorra
   • Pediatria
   • Erizaintza
   • Administrazio kudeaketa: Bezeroen Arretarako Eremua
4. Horretarako Osasun Zentroan plantilla hau daukagu:
   • 4 Familia mediku
   • Mediku pediatra 1
   • 4 erizain
   • 3 administrari laguntzaile BAEn
5. 2011ko urtean eta 2012ko urtarrilean zentroan egin den osasun jarduera hau izan da:

	2012ko urtarrila	2011ko urtea
Medikuntza Orokorra	2.375	25.174	Kontsulta zentroan/urtean
	54	538	Kontsulta etxean/urtean
Pediatria	476	4.239	Kontsultak guztira/urtean
Erizaintza	791	9.184	Kontsulta zentroan/urtean
	141	1.669	Kontsulta etxean/urtean
	1.263	14.791	Kontsultak guztira/urtean

6. Zentro berria irekitzeak dakartzan HOBEKUNTZAK, 225m2tik 618m2ra igarotzen garenez gero.
   • Pazienteetarako:
     • Pazientearen ibiltze egokitasuna hobetzen da pazientearen arretarako eremu askoz zabalagoa ezartzen delako eta banan-banako arretarako lekua ere badelako.
     • Zentroak pazienteari eskaintzen dion erosotasuna hobetzen delako,  mediku-kontsultak, erizainenak eta pazientearentzako sendaketak eta probak gehitzen direlako.
     • Itxarote-gelen egoera ere hobetu egiten da, espazio gehiago dagoelako eta pediatria eremua helduen eremutik bereizi egiten delako.Bularra hartzen dutenentzat eremu bat egokitzen da.
        
   • Profesionalentzat
     • Gure profesionalen lan-baldintzak hobetu egiten dira hauek denak badituztelako:
       • Bilera-gelak eta liburutegia
       • Unitate buruaren bulegoa
       • Biltegia
       • Profesional bakoitzarentzat kontsulta leku propioa
7. Datu ekonomikoak.