Ayuntamiento de Pasaia

Pasaiako udalerriaren eraketa berezia da: geografikoki sakabanatuta dago eta barrutiek zailtasunak dituzte elkarren artean komunikatzeko. Horren ondorio da, hain zuzen, antolaketa administratiboa eta politikoa ere berezia izatea.

Horrela bada, udalerria osatzen duten lau barrutiek (hau da, Donibane, San Pedro, Antxo eta Trintxerpek), zinegotzi-ordezkari bana dute. Hau herritarrentzat barrutiko alkateordea da eta honen ardurak dira: elkarte ezberdinekin harremanetan egotea, beregana jotzen duten herritarrei harrera egin eta artatzea, eta urtean zehar dagokion barrutian jaietako batzordeak antolatzen dituen ekitaldietako lehendakari izatea.

Hauek dira gaur egungo zinegotzi ordezkari edo alkateordeak:

Donibane
    Iñaki Garmendia
    Ostegunetan, 18:00etatik 20:30etara.

Trintxerpe
    Alvaro Ricón
    Asteazkenetan, 18:00etatik 20:00etara.

Antxo
    Ander Poza
    Asteazkenetan, 18:30etatik 20:30etara.

San Pedro
    Edurne Baztarrika
    Ostegunetan, 18:30etatik 20:30etara.

Alderdi politikoak ere saiatzen dira eraketa honetara egokitzen eta ohikoa da udalerrian barrutiko batzorde edo egoitza bat baino gehiago izatea, barruti ezberdinen arabera.