Ayuntamiento de Pasaia

Tokiko Gobernu Batzarrak 2007ko azaroaren 14ko Euskara Batzorde Informatiboaren irizpena aztertu ondoren, hauxe erabaki zuen :

"Eskolatik kalera" egitasmoko hitzarmena sinatua duten elkarteetako begiraleei, begirale eta zuzendari ikastaroak euskaraz egiteko diru-laguntza lerroa irekitzea, euskaraz jardun behar duten begiraleek prestakuntza euskaraz jaso dezaten.

Diru-laguntza kopurua:

Matrikularen %100 diruz lagunduko da eta diru-itzulketa bi alditan egingo da ; lehenengoa, %50a, ikastaro hasieran, eskaera eta ordainagiria aurkezten direnean eta bigarren %50a ikastaroa amaitu eta ezarri diren baldintzak bete dituztela egiaztatzen dutenean.

Betebeharreko baldintzak:

• Asistentzia: ikastaroan ematen diren ordu guztien %85 bete beharko da eta ikastaroa amaitzen denean hori ziurtatzen duen agiria aurkeztu beharko du begiraleak euskara zerbitzuan 2.zatiaren ordainketa bideratu ahal izateko.
• Ikastaroa euskaraz egin duela ziurtatzen duen agiria eta ikastaroan zehar banatzen den materialaren kopia bat aurkeztu beharko du euskara zerbitzuan.